الــــغــــــربـــــــــة!!!!
يراودونى شعور بين حين وآخر منذ فترة ليست بالقصيرة لأكتب نوتا
ليس موضوعا محددا كما اعتدت فى الكتابة وكما اعتدتم قراءة السطرين اللذان يتصدران المقدمة ليكونا مقدمة لمقدمة عن نيتى فى الكتابة للرغبة فى الكتابة وحسب
كعادتى أهذى وكعادتكم عليكم تحمل هذيانى
انا فى حاجه إلى الهذيان فى حاجه للكتابة ولكن
عن ماذا اكتب ؟!!!!!!!!!!؟
هل منكم لديه اقتراح
حد فيكم يغششنى طيب... أى اى هرى .. أهرى فيه
فى محاولة منى لأقول أنا موجودة .....نعم ..أنا هنا
لقد طالت مدتى بهناك .. أريد أن أكون هنا ولو لدقائق معدودة
بعيدا عن السياسة وهريانها بصراحة محدش فاهم حاجه واللى يحاول شرح ما يحدث إما كاذب أو إمعة
على فكرة انا بحترم باسم يوسف لأنه اختفى الفترة دى مش لانه جبان كما يحاول البعض ترويجه من كارهيه
الفترة دى محاولة لتحليل الأحداث انما اللى بيهرى اول ب اول ده هراااى وخلاص
نرجع لهرينا احنا بعيد عن هرى السياسة
انا عاوزة أهرى ف موضوع
ايوة اى موضوع محاولة منى لإخفاء الموضوع الأصلى اللى مش عاوزة اكتبه
ربما تشعر اننى بقيود جديدة لم تشعر بها من قبل
أشعر كأنى عاجزة عن التعبير ... ربما يكون فلسا ... نعم لقد أفلست تماما
يرن فى أذنى صوت تلك المرأة الرداحة :" عفوا لقد نفذ رصيدكم
طب حد معاه شحن .. عاوزة اشحن يا جدعااااااااان ...
طب لو اتشحن هل سأستطيع الكتابة من جديد ام ستلجمنى تلك القيود
كم اننى مملة !
تعودت ان اسخر من ذاتى حتى لا أعطي فرصة للآخر السخرية منى فقط يصمت ويبتسم هكذا أفضل بكثير
من الاخر كده ناوى تتريق او عندك تعليق سلبي انا هتريق على نفسي وهقول كل اللى ف نفسك.. بس سمعنى سكاتك الله يخليك علشان أفضل مؤدبة وحلوة
أنا ايه اللى نرفزنى كده !!!!!!!!!!!؟ ومن اللاشيء
إنه التوتر اللعين ... والتوتر من غير سبب .... (قلة ادب
اهو شوفت ازاى بقى بقول كل اللى نفسك فيه بس برضه سمعنى سكاتك الله يخليك يا تقول كلمة حلوة يا بلاش خالص منها دى كلمة انا مش ناقصاك
نرجع لمرجوعنا
هاتولى اى هرى اهرى فيه جوايا طاقة مكبوتة عاوزة افرتكها بالهرى
التقوقع
كلما مرت فترة زمنية جديدة يزداد تقوقعى
حتى وان كانت الأحداث التى أمر بها سعيدة وربما يتمناها او تتمناها البعض الحمد والشكر طبعا لله
ولكن ما اقصده ليس بالتذمر او اعلان عن تمردى عن كل ماهو جميل بحياتى
ولكن حقيقة الأمر انه يزداد تقوقعى أرانى محللك سر لا أرى إبداعات وليدة كما كان فى زمن مضى
هل دماغى صدت !!! ماهى لو حديد وجه عليها شوية ميا وشوية هوا ونزلت شوية لون احمر كنت أجزمت بصديانها
بس لا دماغى حديد ولا جه عليها ميا ولاشوية الهوا اياهم ولا نزلت لون احمر يبقى ايه فى ايه بقى
ربما يكون كل ما سبق مقدمة عن نوت جديدة أجد فيها ما أعنيه
أما الآن فسأكتفى بقولى تصبحون على وطن جديد ينعم بالحرية
هدى حسن
بتاريخ
3-10-2013
No comments:
Post a Comment