ظلمت ربنا؟

ظلمت ربنا قبل كده؟؟

نختلف نحن البشر
رغم تشابهنا فى ان كل منا يريد ان يرى فى نفسه إلها
ولكن حقيقة الأمر ان اختلافنا يرجع إلى اختلاف رؤيتنا عن ماهية الألوهية

فمنا من يريد ان يكون بطشه لشديد ، حليما ، رحيما ،
عذابه شديدا ، غفورا ، عفوا ، مسالما ، مهيمنا ،
جبارا ، متكبرا ، قاهرا ، معطاءا

الكثير والكثير
سبحانه اختار 99 إسما لذاته

ونحن كبشر .. دون ان ندرى حسبما نرى الله
نحاول ان نتقلد به.. ربما نرضى عن انفسنا حينها

ولكن

العجيب من اختار البطش والجبروت والتعذيب
وتغافل عن رحمة الله ومغفرته وحلمه

فقد ظلم نفسه قبل ظلمه لله - تعالى -

فى ناس متعتها بتستمدها عندما تتصيد للآخرين أخطاؤهم
فقط .. لينتشوا أن هناك من أقل منهم دينا وورعا
متغافلين أن الله وحده هو من يحاسب ويعاقب ويعفوا

لقد لعبوا دورا ليس دورهم
متناسين أن الله قد يعفوا عن المذنبين المستغفرين التائبين
مشكلة المتأسلمين دلوقتى اللى ع الساحة
إنهم متناسين تماما أن الرياء شرك

{عَنْ مَحْمُودِ بْنِ لَبِيدٍ أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَالَ:
"إِنَّ أَخْوَفَ مَا أَخَافُ عَلَيْكُمْ الشِّرْكُ الْأَصْغَرُ" قَالُوا:
وَمَا الشِّرْكُ الْأَصْغَرُ يَا رَسُولَ اللهِ؟ قَالَ:
"الرِّيَاءُ،
يَقُولُ اللَّهُ عَزَّ وَجَلَّ لَهُمْ يَوْمَ الْقِيَامَةِ
إِذَا جُزِيَ النَّاسُ بِأَعْمَالِهِمْ اذْهَبُوا إِلَى الَّذِينَ كُنْتُمْ تُرَاءُونَ فِي الدُّنْيَا فَانْظُرُوا هَلْ تَجِدُونَ عِنْدَهُمْ جَزَاءً".
أخرجه أحمد (5/428 ، رقم 23680). وصححه الألباني (صحيح الجامع، رقم 1555).

وحتى كتابتى للحديث ده ممكن يتسمى رياءا!

مش عارفه

بس انا كتبته ونيتى خالصة علشان لو فى حد فعلا شايف نفسه شوية أعلى من الكل
يمكن بالحديث ده يراجع نفسه
بس برضه انا مش بتنطط عليه وبقوله بص أنا حافظة حديث شريف انت مش حافظه

وبصراحة انا جايباه كوبي من موقع.. وأكيد واضح يعنى

فى سؤال دلوقتى هيطرح فى أذهانكم
هو ايه علاقة المقدمة بكلامى عن الرياء بوجود حديث شريف فى نوت ليا انا إذ فجاة كده؟!!

عاوزة اقوله : راجع نفسك بس
يمكن ميكونش فيك اى عيب رغم ان ده محال
بس حتى لو مفكش فالعيب ده كفيل انه يبعد الناس من حولك

لما تحاول طول الوقت تحسسهم انك واقف على سجادة قطيفة حمرا
وهما واقفين ع البلاط حافيين

يمكن الحافيين دول بيعصوا الله اه..
بس بالليل ودون ان يراءوا الله فى العلن بيناجوه وبيستغفروه وبيبكوا بجد علشان يغفرلهم

اعتقد أن هؤلاء العصاة ..
اللى ممكن تكون إنت شايفهم" ناس إخيه عليهم" وتطلق لعناتك عليهم في السر والعلن

أفضل كثيرا عند الله من ناس شايفين نفسهم صالحين وبيتسابقوا فى العبادات والكل يشير إليهم..
ألا ترى ان من بين هؤلاء قد يتراؤون الله دون ان يدروا؟!!!؟

أو على الأقل منهم من يفعل ذلك طمعا فى دخول الجنة بأعماله؟!!؟
متناسين ان دخول الجنة برحمة الله فقططططططط

على فكرة انا مش بدعو لمعصية الله
ماهو مش هبل برضه

بس انا بفكركم اننا بشرررررررررررر وربنا خلقنا بطبيعتنا بنعصيه
أصل احنا مش ملايكة
ويمكن السر الأعظم فى خلقنا
إننا نعصيه ونستغفره ونطلب العفو منه ونتوب ونتعلم من التجربة

فقد قال حبيبك محمد - صلى الله عليه وعلى آله وسلم - :
"والذي نفسي بيده لو لم تذنبوا لذهب الله بكم
ولجاء بقوم يذنبون فيستغفرون الله فيغفر لهم"

وكل من ترى من عباد الله الصالحين لهم ذنوب وخطايا.
قال ابن مسعود- رضي الله عنه - لأصحابه وقد تبعوه :
"لو علمتم بذنوبي لرجمتموني بالحجارة"،

معلش لو النوت بقت مثقلة بالوعظ الإرشادى
انا فى العادى مبحبش النوعية دى من الوعظ
علشان عارفه انها ممكن تكون تقيلة شوية... او تحسس حد انى بتنطط عليه

وده فى العادى مش من طبعى ولا من اخلاقي

بس الموضوع كان محتاج استشهاد بأدلة نصية فعلا
علشان نكلم الناس بلغتها
يمكن يفهموا

نرجع لمرجوعنا ألا وهو : مش هيكون الرياء طبعا انا اتكلمت فيه كتير
بس هتكلم انا ليه اتكلمت عنه

علشان بجد أصعب حاجه لما تدى الآمان لحد وتسلم له رايتك البيضا ... وتلاقيه بيصفعك
مش لسبب غير انه شايف نفسه إله
مهما كنت وقتها اقترفت من ذنب هو مخدش باله إنه اقترف ذنبا أعظم

اللهم اعف عنا وعنهم