ألوانى
تختلجنى كثير من المشاعر والأحاسيس
تقدر تقول زى مقال كلوزيست فريند كده " انتى 6 شخصيات مضروبين فى الخلاط"
وانى محتاج يتعمل عنى حلقة فى برنامج العلم والايمان
- على اساس إنى حالة يعنى-
لما قولتله
انى حاسة انى مبسوطة ومضايقة وخايفة وحاسة بكرامة وقلقانة وتايهه
ومحدش يسألنى ليه
علشان كل إحساس فيهم سر فى حد ذاته
بس الاحساس نفسه وهو متجمع كده فى نفس ذات الوقت احساس جديد
بقالى كتييييييييييير اوى محسيتش احاسيس مركبة كده
بعد فترة ركود طويلة مع احساس الهم والغم المتواصل
أجد بريق
أسير على خطاه وعينى تلمع فرحا وتزيغ توها
حالتى بتفكرنى بالألوان
الالوان الصريحة بحبها بس الالوان المركبة دايما بتشدنا اكتر
دايما بتخلينا نقعد نفكر اللون ده متركب من ايه وايه وايه ونسرررررررررررح
ونلاقينا ان شوية السرحان دول خلونا نحب اللون
يمكن هى دى الجاذبية
للون محدش يفهمنى غلط
ماعلينا
افتكرت برضه كلوزيست فريند لما قالى مرة انى بتميز عن بنات اخريات بإنى مش مونوتون
مونوتون دى للى مش عارفها يعنى ذات النغمة الواحدة واللى بيعمها الرتابة
مش عارفه ليه فكرت اكتب نوت
بس حسيت ان الحالة المركبة دى اكيد هتخلينى اكتب عمل ابداعى جامد وانا بقالى كتير مخرجش من تحت ايدي عمل أدبي
ومش عارفه ليه.. يمكن الوحى زعل منى؟؟
يمكن نشاطى اتفجر فى طاقات أخرى برضه من الكتابة
المهم نرجع لمرجوعنا
انى مبسوووووطة ومضايقة اوى وخايفة جدا وحاسة انى اشتريت نفسي وكرامتى كسبت وحاسة بقلق مقلق وحاسة انى تايهه
طيب العلاج ايه علشان اتخلص من المشاعر السلبية
واستخلص المشاعر الايجابية اللى بقالى زمن محسيتهاش
مش عارفه
هو انا ليه مش بعرف استمتع بحالة بشكل صافى من غير شوائب
يمكن غاوية عكننة
ويمكن دماغى لاتكف عن التفكير
الله يلعن التفكير على ابو التفكير
ولا بلاش حرام برضه التفكير ده سبوبة لناس كتير منهم انا
وربنا مكرم البنى ادمين اللى بيفكروا
بس التفكير فى العمق اوى بيتعب
زمان حد قالى يارتنا مفهمنا الجاهل بالشيء بيفضل مريح دماغه مبتتعبش زى اللى فهم بعد تفكير
مش عاوزة اخدكم لمنطقة نكد
عاوزة نروح للحتة المشرقة اللى فيها امل
ايون امل
أمل بشوفه لما ببص في المراية واشوف عينى واتغزل فيها
يمكن ده فى حد ذاته بسطنى!!.. انى رجعت احب ابصلهم تانى
بقالى كتير اوى كنت زعلانة عليهم وحاسة انهم دبلانين من كتر الحزن
ملعون ابو الحزن مفيش حاجة تستاهل انها تطفى جمال عينيا
بحب عينيا.. بحب نفسي.... بحب تركيبتى.....
بحب ألوانى اللى انا متركبة منها
فمزيج من الألوان انا
فلا تتعجب
1 comment:
لن أتعجب كتير مننا خليط من الألوان وعن نفسى محبش الناس اللى لون واحد لكن كمان محبش اللى ألوانهم غريبه
جميله الألوان الواضحة الصريحة بس لازم تكون لايقة على بعض ومش متنافرة
يمكن بقينا ألوان لأن كل موقف بنمر بيه بيخلينا فى حاله مختلفة ليها لونها الخاااص جدا
مع الوقت بقينا ملونين لكن نفضل مختلفين
جميله النوت وحساها جداااااا
والحزن لون كئيب بيسيطر علينا لكن هنفضل ندور على نقطة الأمل البيضا
Post a Comment