جربت تبكى كل ما تفتكر ضحكة حد غالى عليك؟
الارتباط بقى مش منطقى.. ما بين ضحكته وابتسامته وما بين دموعك انت على فراقها
مش كده برضه؟!؟
الحنين اللى بيوجع مع تذكر التفاصيل اللى شدتك
الأغرب إنه يبعد عنك
بعد سؤاله: حبيت فيا ايه؟
!!!!!!!!!!!!
حنينى إليه يعتصرنى
هو عيب لما تحب حد اوى وتعترفله بمشاعرك تجاهه؟
هى بقت جريمة محرمة؟
طيب ماشي لو قولنا انه حرام شرعا ..( مع انى مش مستوعباها )
فهل حلال انه يستدركك بسؤاله علشان لما تجاوب ينزل عليك بالسوط عقابا؟!؟
مين اللى غلطان؟؟
اللى هيقول طرف واحد غلط يبقى ظالم ومتعنت
ماشي الطرفين غلطانين.. انا معاك
بس هل من العدل ان طرف منهم يعاقب التانى؟؟
لـــــــيــــــــــــــــــــــــــــه
الحنين ده داهية مسيحة لو كان راجل لقتلته
ولا حرام يمكن هو ال حاجة اللى بتخلينا نستمتع بلحظاتنا الجميلة اللى تم اغتيالها
مع عصرة القلب والشجن والحزن وجو الخريف والشتا اللى محتاج دفا الحبيب ده
اهى التوليفة اللى فاتت دى خلطة كفيلة انك تبكى ..
و لما تبكى وتنزل دموعك ..ترن ضحكته اللى كانت ودانك بتستناها بلهفة
معقولة؟
هو كمان مبترنش ف ودانه ضحكتك؟
طيب ياترى بترن فى ودانه أنين دموعك؟؟
بيفتكر منك اللى يبعده عنك ولا اللى يقربه منك
حنينه ليك فين؟
يا بخته
اعصابه فى تلااااااااااااااااااااااااجة
ياترى مين الشهيد فينا؟!!!!!!!!؟
طب مين القاتل؟
طب حجم الاصابات من الطرفين؟
اجابات صعب الوصول إليها فى ظل كل هذا القلق والتوتر وحالة الانهيار
ادينى مستنية لما الطرف التانى يطلع ببيان
ياترى هستنى بيانه كتير؟
طيب بيان هيقنعنى؟؟ ولا بيان تقضية غرض من بتاع الشكليات؟
ولو طنش ومطلعش بالبيان استمر انا فى الاعتصام والتقرفص داخل قوقعتى
بالنسبة لسقف المطالب اللى انا مش مقتنعة انه بيعلى زى ما بيحاولوا يشوشروا
هيفضل يعلى معاه برضه؟؟
بس المرادى بقى المطالب بقت من الطرف صاحب البيان
سبحان الله
إن فى ذلك لحكم
قصره بلغوه حنينى لضحكته
والله الموفق والمستعان
No comments:
Post a Comment